Pòrri-fèr
Allium polyanthum
Amaryllidaceae Alliaceae
Autre noum : Porre-fèr.
Noms en français : Poireau des vignes, Ail à fleurs nombreuses.
Descripcioun :Lou pòrri-fèr se vèi souvènt d'aqui d'eila pèr camin, dins li vigno e lis ermas. Se recounèis à si boulo de flour roso salo e à sis estamino que sorton gaire. I'a de 8 à 40 veno à la cabosso.
Usanço :Èi di proun acampa à la fin de l'ivèr avans la flourido. Lou pòrri-fèr èi goustous crus o cue en liéume e meiour que li dóu negòci, evidentamen subretout lou blanc. Li racino sèrvon pèr sougna li plago e li pougnaduro de la tavaniho e di serp (siegue fretado, siegue en maceracioun dins l'aigo - P. Lieutaghi, op.cit. p. 438). Tambèn pèr ajuda à faire sourti lou nourrimen (o placenta) encò li cabro e fedo, se dounavo uno tisano de pòrri (Ibid.).
Port : Grando erbo
Taio : 40 à 150 cm
Fueio : costo paralèlo
Tipe bioulougico : Geoufite
Cicle bioulougico : Planto renadivo
Gènre : Allium
Famiho : Amaryllidaceae
Famiho classico : Alliaceae
Ordre : Asparagales
Coulour de la flour :
Roso
Petalo : 6
Ø (o loungour) enflourejado : 3 à 6 cm
Flourido : Printèms
- Estiéu
Sòu : Ca
Autour basso e auto : 0 à 800 m
Aparado : Noun
Abriéu à juliet
Liò : Ermas
- Camin
- Champ
- Vignarés
Estànci : Termoumediterran à Mesoumediterran
Couroulougi : Eurimediterrano
Ref. sc. : Allium polyanthum Schult. & Schult.f., 1830
(= Allium porrum subsp. polyanthum (Schult. & Schult.f.) Jauzein & J.M.Tison = Allium ampeloprasum subsp. polyanthum, 1990 (Schult. & Schult.f.) O.Bolòs, Vigo, Masalles & Ninot )
Roure
Quercus petraea
Fagaceae
Àutri noum : Roule, Chaine, Ròure, Ròule, Rèure.
Noms en français : Chêne rouvre, Chêne sessile.
Descripcioun :Lou roure èi pas un aubre di proun coumun au nostre. Trachis naturalamen dins quàuquis endré séusous en prouvènço preaupenco dóu levant e dins lis aup marino. Se destrìo de soun cousin, lou roure-pecouia, Quercus robur que si fueio soun pourtado pèr un long pecou e que li fru soun justamen pas pecouia.
Usanço :Lis agland, amar, podon faire de farino manjadisso. Pamens, aleva dóu tèms de carestié, servien pulèu pèr nourri li pouorc. Lou bos èi de qualita pèr douna de fusto. La rusco a d'ùni prouprieta interessanto (vèire çai-souto) ; s'acampo sus li jóuini ramo, pièi èi chaplado e messo à seca.
Port : Aubre
Taio : 5 à 30 m
Fueio : alterno
Tipe bioulougico : Faneroufite
Cicle bioulougico : Planto renadivo
Gènre : Quercus
Famiho : Fagaceae
Ordre : Fagales
Coulour de la flour :
Jauno
Petalo : ges
Ø (o loungour) enflourejado : 15 à 20 cm
Flourido : Printèms
Sòu : Si
Autour basso e auto : 0 à 1200 m
Aparado : Noun
Abriéu à mai
Liò : Terraire safrous
- Bos fres
- Ribiero
Estànci : Subremediterran à Mountagnard
Couroulougi : Éurasiatico-Cèntre-Ouèst
Ref. sc. : Quercus petraea (Matt.) Liebl., 1784
(= Quercus robur L., 1753 )
